ღაზას სექტორსა და ეგვიპტეს შორის რაფაჰის გადასასვლელი ისრაელმა ცეცხლის ქვეშ მოაქცია. ამის შესახებ ინფორმაციას The Times of Israel დასავლურ მედიაზე დაყრდნობით წერს.
ეს ღაზას სექტორსა და ეგვიპტეს შორის ერთადერთი სახმელეთო გადასასვლელია, რომლის გამოყენებისკენაც რამდენიმე საათით ადრე, ისრაელის შეიარაღებული ძალების წარმომადგენელი იმ პალესტინელებს მოუწოდებდა, რომლებსაც ღაზას სექტორის დატოვება სურდათ.
„რაფაჰის გადასასვლელი ჯერ ისევ ღიაა. ვისაც შეუძლია გადასვლა, ვურჩევ, ეს გააკეთონ“, – ამბობდა ვიცე-პოლკოვნიკი რიჩარდ ჰეხტი უცხოელ ჟურნალისტებთან საუბრისას.
ამ დროისთვის, ისრაელის თავდასხმის გამო, ღაზასა და ეგვიპტეს შორის გადაადგილება შეფერხებულია.
