გაუქმდა ყველა სამმართველო და 11 დეპარტამენტი ჩამოყალიბდა – ცვლიებები კულტურის სამინისტროში

ულტურის მინისტრმა, თეა წულუკიანმა სამინისტროში ახალი სტრუქტურა ჩამოაყალიბა. სამინისტროს ინფორმაციით, გაუქმდა ყველა სამმართველო და, სტრუქტურული ერთეულების გამსხვილების შედეგად, 11 დეპარტამენტი ჩამოყალიბდა.

“გაუქმდა კულტურის დეპარტამენტი და მის ბაზაზე შეიქმნა ორი სტრუქტურული ერთეული – შემოქმედებითი პროცესის ხელშეწყობის დეპარტამენტი და კულტურაზე ხელმისაწვდომობის დეპარტამენტი. სპორტის დეპარტამენტის ბაზაზე კი ცალკე ჩამოყალიბდა მასობრივი სპორტისა და ახალგაზრდულ საქმეთა დეპარტამენტი, რაც ამ დარგში სამინისტროს პრიორიტეტული მიმართულება უნდა გახდეს. ცალკე განისაზღვრა მაღალი მიღწევების სპორტის დეპარტამენტი”, – წერია უწყების განცხადებაში.

გარდა ამისა, სხვადასხვა სტრუქტურული ერთეულის გაერთიანების ხარჯზე შეიქმნა ახალი – კულტურული მემკვიდრეობისა და კულტურულ ფასეულობათა დაცვის გენერალური ინსპექციის დეპარტამენტი.

“მოცემული ცვლილების შედეგად, 2021 წლის 1 ივლისიდან, სსიპ საქართველოს კულტურული მემკვიდრეობის დაცვის ეროვნული სააგენტო აღარ იქნება საკუთარი საქმიანობის მაკონტროლებელი და ამ ფუნქციას სახელმწიფო ზედამხედველობის ორგანო – სამინისტრო შეასრულებს”, – წერია სამინისტროს განცხადებაში.

ჯამში, სამინისტროს შტატების ოდენობა 169 ერთეულის ნაცვლად 136-ით განისაზღვრა.

რეკლამის ბანერი
წინა სტატიაშიკალაძე – მეამაყება, რომ ჩემი მინისტრობის პერიოდში ქვეყანაში ყველაზე მეტი ჰიდროელექტროსადგური აშენდა
შემდეგი სტატიასამნიძე – არ ვუჭერთ მხარს ამნისტიას, რომლითაც ჯალათები იქნებიან ამნისტირებულები