ბრიტანული პოპ-სცენის ყოფილ ვარსკვლავს, გარი გლიტერს, რომელიც ამჟამად პატიმრობაში იმყოფება, ლონდონის პოლიციამ ახალი ბრალდებები წარუდგინა. საქმე ეხება 1978-1981 წლებში კენსინგტონში მცირეწლოვანი გოგონას მიმართ განხორციელებულ სექსუალურ ძალადობას.
გამოძიება გასული წლის დასაწყისში დაიწყო, როდესაც დაზარალებულმა ქალმა სამართალდამცველებს მიმართა. პროკურატურამ მიიჩნია, რომ საქმის სასამართლოში გადასაცემად მტკიცებულებები საკმარისია.
მომღერალი, რომლის ნამდვილი სახელია პოლ გედი, ბრალდებებზე პასუხის გასაცემად ვესტმინსტერის სასამართლოს წინაშე 5 აგვისტოს წარდგება.
