თბილისში, რესპუბლიკის მოედანზე გარემოს დამცველები შეიკრიბნენ, რომლებიც პარლამენტისკენ მსვლელობით წავიდნენ. მათი განცხადებით, ხელისუფლების მიერ ბოლო პერიოდში მიღებული გადაწყვეტილებები პირველ რიგში გარემოს დაცვის ორგანიზაციებს აზიანებს. გარემოს დამცველების შეფასებით მმართველმა ძალამ ევროპული კურსიდან გადაუხვია და სწორედ ამის მიზეზია ისიც, რომ ქვეყანაში ქრებიან გარემოს დამცველი ორგანიზაციები. ამიტომ ისინი უერთდებიან პარლამენტის წინ მიმდინარე აქციას და მის მოთხოვნას ხელახალ საპარლამენტო არჩევნებთან დაკავშირებით.
