საქართველოს განათლებისა და მეცნიერების სამინისტრო იმ სკოლების ჩამონათვალს აქვეყნებს, რომლებშიც სასწავლო პროცესი შეწყდა.
ჩამონათვალი სამინისტროს ოფიციალურ გვერდზე www.mes.gov.ge გამოქვეყნდა.
“ჯანდაცვის სამინისტროს რეკომენდაციით, იმ სკოლებში, სადაც 20%-ზე მეტი იყო გაცდენა ავადობის გამო, სამი დღით გადაიდო სასწავლო პროცესი. სასწავლო პროცესის შეწყვეტასთან დაკავშირებით დირექტორი ვალდებულია ინფორმაცია მიაწოდოს მშობლებს”, – ნათქვამია სამინისტროს განცხადებაში.