“გამოვიჩინოთ სულიერი სიფხიზლე” – ჭყონდიდის ეპარქია მრევლს შესაძლო პროვოკაციებზე აფრთხილებს

ჭყონდიდის ეპარქია მრევლს ბზობას ულოცავს, ხვალიდენლ წირვაზე შესაძლო პროვოკაციებზე აფრთხილებს და “წინდახედულობისკენ” მოუწოდებს. განცხადება ეპარქიის Facebook-გვერდზე ვრცელდება:

ყველას გილოცავთ მაცხოვრის იერუსალიმში დიდებით შესვლის დღესასწაულს!

ხვალ, ჭყონდიდის ეპარქიაში, სოფელ სალხინოში, მრავალ მომლოცველს ველოდებით. ბოლო დღეებში შექმნილი დაძაბულობის ფონზე, მცირე მიზეზიც კი შესაძლოა რაიმე პროვოკაციის საბაბად იქცეს და გვინდა ერთგვარი წინდახედულობისკენ და ქრისტიანული სიბრძნის გამოჩენისაკენ მოგიწოდოთ.

პატივისცემითა და სიყვარულით მოგმართავთ, გამოვიჩინოთ მაქსიმალური სულიერი სიფხიზლე, რომ რაიმე შემთხვევითობამ, ან პროვოკაციამ ჩრდილი არ მიაყენოს ამ დიდ დღესასწაულს და ერთად, ღირსეულად, სიმშვიდით და ზეიმით აღვნიშნოთ იერუსალიმში დიდებით შესვლა უფლისა ჩვენისა იესო ქრისტესი, – წერს ჭყონდიდის ეპარქია

რეკლამის ბანერი
წინა სტატიაშიმელია: მე რომ ვყოფილიყავი მოლაპარაკებების მაგიდასთან, ამნისტიის პუნქტი იქ არ გაჩნდებოდა
შემდეგი სტატიაგამყრელიძე: იმდენი გვაქვს ფული გადახდილი, უნდა აგვერჩია ვაქცინა, მაგრამ არ არის COVAX-ზე