გამომძიებლებმა ისწავლეს, როგორ უნდა მოახდინონ მოტივის იდენტიფიცირება – ნათია მეზვრიშვილი

region
: region აპრილი 19, 2019 16:54

გამომძიებლებმა ისწავლეს, როგორ უნდა მოახდინონ მოტივის იდენტიფიცირება – ნათია მეზვრიშვილი

დისკრიმინაციისა და სიძულვილით მოტივირებული დანაშაულებების შესახებ მონაცემთა შეგროვების მექანიზმებზე სასტუმრო „რედისონში“ იმსჯელეს.

საქართველოში ევროპის საბჭოს ოფისის ხელმძღვანელმა, რეკომენდაციები წარადგინა მონაცემთა შეგროვების მექანიზმის გაუმჯობესებასთან დაკავშირებით.

„საქართველოსთან ერთად ვახორციელებთ პროექტს, რომელიც სიძულვილის ნიადაგზე ჩადენილ დანაშაულთან, სიძულვილის ენასა და დისკრიმინაციის წინააღმდეგ ბრძოლას შეეხება. ამ პროექტის ფარგლებში განვიხილავთ მონაცემთა შეგროვების მექანიზმის საკითხს. ამიტომ შეიქმნა სამუშაო ჯგუფი, რომელშიც ჩართულები არიან სხვადასხვა ინსტიტუტის წარმომადგენლები. ამ მექანიზმის ჩამოყალიბება და მონაცემების შეგროვება დაგვეხმარება, უკეთ დავინახოთ, სად იჩენს თავს პრობლემები და როგორ უნდა ჩაერთოს მათ მოგვარებაში სამუშაო ჯგუფის მონაწილე მხარეები,“ – განაცხადა კრისტიან ურსემ.

ღონისძიებას შინაგან საქმეთა სამინისტროს, პროკურატურისა და უზენაესი სასამართლოს წარმომადგენლები ესწრებოდნენ. შსს-ის მინისტრის მოადგილის, ნათია მეზვრიშვილის თქმით, სიძულვილით მოტივირებული დანაშაულთან დაკავშირებით გამომძიებლებმა ისწავლეს, როგორ უნდა მოახდინონ მოტივის იდენტიფიცირება.

„სიძულვილით მოტივირებულ დანაშაულს რაც შეეხება, საკმაოდ გააქტიურებულები ვართ ბოლო წლების განმავლობაში, 2010-2018 წელს ვგულისხმობ. 150-ზე მეტი პირია სისხლის სამართლის პასუხისგებაში მიცემული დისკრიმინაციული მოტივით ჩადენილი დანაშაულისთვის, რაც, ფაქტობრივად, სამჯერ აღემატება 2017 წლის მონაცემებს ანუ გამომძიებლებმა ისწავლეს უკვე, როგორ უნდა მოახდინონ მოტივის იდენტიფიცირება. კოორდინირებულად ვმუშაობთ პოლიციასთან და დღევანდელი ღონისძიების მიზანი იყო, სტატისტიკური მონაცემების გაუმჯობესება, იმიტომ, რომ სტატისტიკის წარმოების მეთოდოლოგია სიძულვილით მოტივირებულ დანაშაულზე განსხვავებული აქვთ პროკურატურას, შსს-ს, სასამართლოს. ევროსაბჭო გვეხმარება იმაში, რომ სტატისტიკის ერთიანი მოდული შევიმუშაოთ,“ – განაცხადა შს მინისტრის მოადგილემ, ნათია მეზვრიშვილმა.

region
: region აპრილი 19, 2019 16:54

გამოკითხვა

ზუგდიდის მერობის არჩევნებში რომელი კანდიდატი გაიმარჯვებს?

შედეგის ნახვა

Google სტატისტიკა


4,438
ვიზიტორი
დღეში
Powered By Google Analytics