გრიფირებაზე უარი კიდევ რამდენიმე სახელმძღვანელოს ეთქვა. განათლების მინისტრის მოადგილის, თემურ მურღულიას 15 აგვისტოს ბრძანებით, გრიფის მინიჭებაზე უარი ეთქვა ზოგადი განათლების დაწყებითი საფეხურის სახელ მძღვანელოების შემდეგ მაკეტებს: ქართული ენა და ლიტერატურა – პირველიდან მეექვსე კლასების ჩათვლით, ქართული, როგორც მეორე ენა – პირველი-მეოთხე კლასები, პირველი უცხოური ენა (ინგლისური) – პირველი-მეოთხე და მეხუთე-მეექვსე კლასები, მეორე უცხოური ენა (რუსული) მეხუთე-მეექვსე კლასები, „მე და საზოგადოება“ – მესამე-მეოთხე კლასები, ჩვენი საქართველო – მეხუთე-მეექვსე კლასები, ინფორმაციული და საკომუნიკაციო ტექნოლოგიები – მეხუთე-მეექვსე კლასები, სახვითი და გამოყენებითი ხელოვნება მეხუთე-მეექვსე კლასები, მუსიკა – მეხუთე-მეექვსე კლასები, ფიზიკური აღზრდა – მეხუთე-მეექვსე კლასები.
მანამდე, განათლების მინისტრის მოადგილის ბრძანების საფუძველზე, რამდენიმე სახელმძღვანელოს მინიჭებული გრიფი გაუუქმდა. ესენია ქართული ენა და ლიტერატურის პირველი კლასის სახელმძღვანელო და მათემატიკის სახელმძღვანელოების სერია პირველი-მეექვსე კლასებისთვის. გამომცემლები, რომლებსაც აღნიშნული წიგნები ჰქონდათ წარდგენილი, აღნიშნული გადაწყვეტილების გამო ,განათლების სამინისტროს წინააღმდეგ სამართლებრივ ბრძოლას გეგმავენ.