გამყრელიძე: კორონავირუსით მაღალდაზიანებული ქვეყნებიდან საქართველო ტურისტებს ჯერჯერობით ვერ მიიღებს

თაიმერი timer.ge
ავტ.: თაიმერი timer.ge მაისი 28, 2020 19:33

გამყრელიძე: კორონავირუსით მაღალდაზიანებული ქვეყნებიდან საქართველო ტურისტებს ჯერჯერობით ვერ მიიღებს

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, კორონავირუსით მაღალდაზიანებული ქვეყნებიდან საქართველო ტურისტებს ჯერჯერობით ვერ მიიღებს.

როგორც ამირან გამყრელიძემ აღნიშნა, მიმდინარეობს სერიოზული მუშაობა ქვეყანაში ტურიზმის გახსნაზე.

„დაანონსებულია 15 ივნისიდან ქვეყანაში შიდა ტურიზმისა და პირველი ივლისიდან უკვე საერთაშორისო ტურიზმის გახსნა. თუმცა, არა რა თქმა, ჯერ ვერ მივიღებთ ტურისტებს​მაღალდაზიანებული ქვეყნებიდან. მიმდინარეობს მუშაობა იმ პროტოკოლზეც, როგორი უნდა იყოს ტურისტების მიღებისა და მათზე ეპიდზედამხედველობის დაკვირვების სისტემა, რათა მინიმუმამდე დავიყვანოთ ქვეყანაში ინფექციის შემოტანის რისკი. მოდით, ამ კითხვაზე პასუხს დავუბრუნდეთ ერთი კვირის, 10 დღის შემდეგ, როცა ამ საკითხზე უფრო მეტად ვიქნებით ჩამოყალიბებული. დაავადებათა კონტროლის ცენტრს აქვს თავისი რეკომენდაციები, მაგრამ საბოლოო გადაწყვეტილებას იღებს საკოორდინაციო საბჭო. მსჯელობის შემდგომ ჩამოვყალიბდებით წესებზე, რომელიც დამტკიცდება შესაბამისი მარეგულირებელი აქტით“, – განაცხადა ამირან გამყრელიძემ.

თაიმერი timer.ge
ავტ.: თაიმერი timer.ge მაისი 28, 2020 19:33

Google სტატისტიკა


7,810
ვიზიტორი
დღეში
Powered By Google Analytics