დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, ქვეყანა „მაიმუნის ყვავილის“ სამკურნალო მედიკამენტის მიღების თაობაზე განაცხადს გააკეთებს.
როგორც გამყრელიძემ „ინტერპრესნიუსის” კითხვის საპასუხოდ აღნიშნა, მედიკამენტი ევროპის წამლების სააგენტოს მიერ ავტორიზირებულია.
„რა თქმა უნდა, პრეპარატზე განაცხადს გავაკეთებთ. ევროპის წამლების სააგენტოს მიერ ავტორიზირებულია მედიკამენტი. სამინისტრო მუშაობს და ვფიქრობთ, რომ ქვეყანაში გვექნება. დღეს მაინც სიმპტომური მკურნალობა მიმდინარეობს. დღეს, საქართველოში „მაიმუნის ყვავილის” დიაგნოსტიკის საშუალება არის”,- აღნიშნავს გამყრელიძე.
მისივე თქმით, ჯერ ქვეყანაში „მაიმუნის ყვავილი” დადასტურებული არ არის და არც საეჭვო შემთხვევებზე მიმდინარობს კვლევა.
