გამყრელიძე – პანდემიასთან ბრძოლის მთავარი ხაზი დღეს აცრაზე გადის

დაავადებათა კონტროლის ეროვნული ცენტრის ხელმძღვანელი ამირან გამყრელიძე კვლავ ყურადღებას ამახვილებს ინტენსიურ აცრებზე და აღნიშნავს, რომ ქვეყანაში ვაქცინების მარაგი საკმარისია, ასევე ეტაპობრივად ხდება დამატებაც.

გამყრელიძის თქმით, პანდემიასთან ბრძოლის მთავარი ხაზი დღეს სწორედ ვაქცინაციაზე გადის.

„ახლა ყველაზე მთავარი, ხაზს ვუსვამ, ყველაზე მთავარი არის ინტენსიური აცრები. აი, მაგალითად ახლა რომ ვიოცნებოთ ასე ვთქვათ და ყველამ ერთად შევძლოთ, რომ ორი კვირის განმავლობაში დღეში ავცრათ 100 000 ადამიანი, ნახავთ, რომ ერთი კვირის შემდეგ სერიოზულ გარდატეხას შევიტანთ ეპიდემიის განვითარებაში, რომ გავაკეთოთ ეს, ნუ 100 000. კიბატონო, ეს ოცნებაა, მაგრამ თუ ჩვენ ყოველდღიურად 30 000-ზე ავედით…მუდმივად შემოდის ქვეყანაში ვაქცინები, პირველი დოზისთვის გასაკეთებლად გვაქვს 150 000-მდე „ფაიზერი“ დღეს, მეორე დოზა ყველასთვის შენახულია. პირველი დოზისთვის 150 000 ადამიანი რომ მოვიდეს ერთ დღეში, რა თქმა უნდა, ვერ გავატარებთ, დღევანდელი გამტარუნარიანობა 28 000 -30 000-ის ფარგლებშია, ამას გავატარებთ ხუთ დღეში, მაგრამ 150 000 „ფაიზერი“ დევს დღეს პირველი დოზისთვის, 130 000 „სინოფარმი“ დევს პირველი დოზისთვის, ნახევარი მილიონი „სინოვაკი“ დევს პირველი დოზისთვის, 15 000 „ასტრაზენეკა“ დევს პირველი დოზისთვის. ამიტომ კიდევ ერთხელ მოგიწოდებთ ყველას, ვინც არ ხართ აცრილები, რომ მიბრძანდეთ და აიცრათ, რადგან აცრაზე გადის დღეს პანდემიასთან ბრძოლის მთავარი ხაზი“, – განაცხადა გამყრელიძემ.

წინა სტატიაშიგამყრელიძე – 2.5 მლნ აცრა თუ ჩატარდება, ამას თუ გავაკეთებთ და მილიონ 250 ათასი ადამიანი აიცრება, სერიოზულად გავტეხავთ ეპიდემიას წელში
შემდეგი სტატიასავალდებულო ტესტირებას დაქვემდებარებული ჯგუფები 15 სექტემბრიდან სახელმწიფოს ხარჯზე მხოლოდ ორჯერ ვაქცინირების შემთხვევაში გაიტესტებიან