გარდაბანში დღეს გამგებლის რიგგარეშე არჩევნებია. საარჩევნო უბნები რამდენიმე წუთის წინ გაიხსნა. დღევანდელი არჩევნებისთვის სპეცუბანი დაემატა, შესაბამისად, 64 საარჩევნო უაბანია გარდაბანში გახსნილი. არჩევნებში 72 ათასმა ამომრჩეველმა უნდა მიიღოს მონაწილეობა.
ნაციონალურ მოძრაობაში არჩევნებთან დაკავშირებით განცხადება გაკეთდა. გია ბარამიძე გარკვეულ ზეწოლაზე საუბრობს.
„ღამით დავაფიქსირეთ, რომ სუსის წარმომადგენლები ჩვენი მომხრეების დაშინებას ცდილობდნენ. საარჩევნო უბნებთან სუსის მანქანები არიან მობილიზებულნი,“- განაცხადა გია ბარამიძემ.
საარჩევნო ოლქში ორი კანდიდატია რეგისტრირებული – ქართული ოცნებიდან გოჩა ჯამარაული და ბლოკი ერთიანი ნაციონალური მოძრაობიდან ბესიკ კახაბრიშვილი.