გალში მოკლული საქართელოს კიდევ ერთი მოქალაქე – ოპოზიცია ხელისუფლებას უმოქმედობის გამო აკრიტიკებს. “ლელოს” წევრი სალომე სამადაშვილი პირდაპირ ამბობს, რომ ჩვენს ქვეყანაში უსაფრთხოება დაცული არ არის და ამის უზრუნველსაყოფად “ოცნება” არაფერს აკეთებს. მისი თქმით, ხელისუფლება ხალხს ატყუებს, თითქოს საქართველოში მშიდობის პოლიტიკას აწარმოებს.
ამას პასუხობს “ქართული ოცნება” სრული უმოქმედობით და საუბრობს ტყუილ მშვიდობაზე და საზოგადოებას ატყუებს, რომ თითქოს მის მიერ წარმოებული პოლიტიკა რამენაირად უზრუნველყოფს ჩვენს ქვეყანაში უსაფრთხოებას და რეალობა არის ის, რომ ჩვენ ვართ სრულიად დაუცველები და რეალობა არის ის, რომ მათ შოპრის, ხდება, მაგალითად, საერთაშორისო ჩართულობის კიდევ უფრო შევიწროება რუსეთის მხრიდან ოკუპირებულ ტერიტორიებთან მიმართებაშ, – ამბობს სამადაშვილი.
შეგახსენებთ, რომ საოკუპაციო რეჟიმის ეგრედწოდებულმა მილიციამ საქართველოს მოქალაქე ცემით მოკლა. ოკუპირებული გალის ცენტრში 43 წლის მამაკაცს უმოწყალოდ სამი ძალოვანი გაუსწორდა.
საქართველოს ხელისუფლებას ამ დრომდე არ დაუწყია გამოძიება საქართველოს კიდევ ერთი მოქალაქის მკვლელობის შესახებ. სრულ მდუმარებაშია პრემიერ-მინისტრი. ირაკლი ღარიბაშვილს მოკლულის ოჯახისთვის სამძიმარიც კი არ გამოუცხადებია.
