გახარია წადი! – შს მინისტრის გადადგომა 25 ლოკაციიდან ერთდროულად მოითხოვეს

region
ავტ.: region ივლისი 4, 2019 14:25

გახარია წადი! – შს მინისტრის გადადგომა 25 ლოკაციიდან ერთდროულად მოითხოვეს

გახარია წადი! – ამ შეძახილებით შს მინისტრის გადადგომას საპროტესტო აქციის მონაწილეები კიდევ ერთხელ ითხოვენ.

გახარიას გადადგომის მოთხოვნით აქცია თბილისში 25 ლოკაციაზე პარალელურად მიმდინარეობს. მომიტინგეები პროტესტს ზებრა გადასასვლელებზე რამდენიმეწამიანი გაჩერებით აფიქსირებენ და 15-დღიანი მოთხოვნას ამ გზით კიდევ ერთხელ შეახსენებენ მთავრობას.

გარდა, თბილისისა, გიორგი გახარიას გადადგომას ბათუმშიც მოითხოვენ. „გადადგეს გახარია“, „ივანიშვილი საქართველოს სირცხვილი“, „თვალთხარია გახარია“, – ამ შინაარსის ბანერებით ბათუმში აბუსერიძის ქუჩა რამდენიმეჯერ გადაკეტა ბათუმელმა ახალგაზრდებმა.

ისინი ამით სოლიდარობას უცხადებენ თბილისში გამართულ აქციებს. აქტივისტებმა რამდენიმე წუთით გადაკეტეს ცენტრალური ქუჩა და ამ გზავნილით რეგიონიდან აცნობებენ ხელისუფლებას, რომ შინაგან საქმეთა მინისტრი დაუყონებლივ უნდა გადადგეს.

„ჩვენი ერთ-ერთი ყველაზე მნიშვნელოვანი მოთხოვნა არის, უნდა გადადგეს დაუყოვნებლივ თვალთხარია გახარია და პასუხისგებაში მიეცეს ის პირები, რომლებმაც იმ ღამეს ბართლომეს ღამე მოუწყო ქართველ მოსახლეობას და ქართველ ახალგაზრდებს,“ – ამბობს აქციის მონაწილე.

პარლამენტის წინ აქცია კი დღეს კვლავ 19:00 საათზე დაიწყება, გზანილი უცვლელია – გადადგეს შს მინისტრი.

region
ავტ.: region ივლისი 4, 2019 14:25

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


6,111
ვიზიტორი
დღეში
Powered By Google Analytics