“გაისად საგაზაფხულო სამუშაოებს მოსახლეობისთვის უფასოდ ჩავატარებთ”

news
: news ნოემბერი 27, 2015 11:07

“გაისად საგაზაფხულო სამუშაოებს მოსახლეობისთვის უფასოდ ჩავატარებთ”

პრემიერ-მინისტრის ირაკლი ღარიბაშვილის განცხადებით, მთავრობამ გადაწყვიტა საგაზაფხულო სამუშაოების ხელშეწყობის სამწლიანი პროგრამა, მეოთხე წელსაც გააგრძელოს.

როგორც პრემიერმა მთავრობის დღევანდელ სხდომაზე აღნიშნა, მთავრობა მეწარმეების დახმარების პროგრამასაც გააგრძელებს.

“ჩვენ გვქონდა სამწლიანი პროგრამა – ეს არის საგაზაფხულო სამუშაოების ხელშეწყობის პროგრამა. გადავწყვიტეთ, რომ მეოთხე წელსაც გავაგრძელოთ. გაისად უფასოდ ჩავატარებთ საგაზაფხულო სამუშაოებს მოსახლეობისთვის. ასევე, გავაგრძელებთ მეწარმეების დახმარებას აგროკრედიტის ფარგლებში. გაიზრდება ასევე აგროდაზღვევის პროგრამაც, რომელიც ძალიან მნიშვნელოვანია ჩვენი მოსახლეობისთვის. პროგრამა “დანერგე მომავალი”, ასევე ძალიან წარმატებით მიმდინარეობს. ასევე მინდა შევეხო ერთ საკითხს. წინა მთავრობის სხდომაზე 8 ათას ფერმერს მიწის გადასახადი ჩამოვაწერეთ. წლების განმავლობაში იჯარის გადაუხდელობის გამო მათ ჯარიმები ერიცხებოდათ, მუდმივი სტრესი და ნერვიულობა სდევდა ამ ყველაფერს”, – განაცხადა ღარიბაშვილმა.

ეკონომიკის მინისტრის დიმიტრი ქუმსიშვილის განცხადებით, მთავრობამ ამ მიმართულებით ჯამურად, 26 მილიონ ლარზე მეტი დახარჯა.

news
: news ნოემბერი 27, 2015 11:07

გამოკითხვა

ზუგდიდის მერობის არჩევნებში რომელი კანდიდატი გაიმარჯვებს?

  • სანდრა რულოვსი (66%, 1 551 ხმა)
  • გიორგი (გეგა) შენგელია (26%, 615 ხმა)
  • ზვიად სიჭინავა (4%, 103 ხმა)
  • თენგო ჯგუშია (3%, 81 ხმა)

ხმები სულ: 2 350

Google სტატისტიკა


12,288
ვიზიტორი
დღეში
Powered By Google Analytics