გაეროს გენერალურმა მდივანმა პან გი მუნმა მოწოდება გააკეთა სიკვდილით დასჯაზე უარი თქვან, მათ შორის, ტერორიზმში ბრალდებულებისთვის და ეს ახსნა იმითი, რომ დასჯის უმაღლესი ფორმა დანაშაულის შემსუბუქებას არ იწვევს – ამის შესახებ ნათქვამია განცხადებაში, რომელიც სიკვდილით დასჯის წინააღმდეგ მსოფლიო დღეს გაავრცელა.
მისი თქმით, სიკვდილით დასჯის “არაადამიანურ და სასტიკ პრაქტიკას ადგილი არ უნდა ჰქონდეს 21-ე საუკუნეში”.
წერილში, ასევე, აღნიშნულია, რომ სიკვდილით დასჯა დაშვებულია 65 ქვეყანაში.
მიმდინარე წლის აპრილში Amnesty International-მა განაცხადა, რომ მსოფლიოში სიკვდილით დასჯა საგრძნობლად გაიზარდა. უფლებადამცველების თქმით, 2015 წელს უმაღლესი ზომა გამოიყენეს 1634 პატიმრის მიმართ, რაც უკანასკნელი 27 წლის მანძილზე ყველაზე დიდი მონაცემია. აქედან 89% მოდის ირანზე, პაკისტანსა და საუდის არაბეთზე. ამასთანავე, სტატისტიკაში არ შედის ჩინეთი, სადაც Amnesty International-ის მონაცემებით 1000-მდე ადამიანი დაისაჯა სიკვდილით, თუმცა, მთავრობა ამას მალავს.
აშშ-ში, სადაც უმაღლესი ზომა გამოიყენება 32 შტატში, 28 პატიმარი მოკლეს, მათგან 13 – ტეხასში.
