გაერო სახელმწიფოებს პატიმრების ნაწილის გათავისუფლებისკენ მოუწოდებს

news
ავტ.: news მარტი 26, 2020 12:06

გაერო სახელმწიფოებს პატიმრების ნაწილის გათავისუფლებისკენ მოუწოდებს

გაერო მოუწოდებს სახელმწიფოების მეთაურებს, შეამცირონ დაპატიმრებულ ადამიანთა რიცხვი ციხეებში, რადგან მათი ფიზიკური დისტანცირება და თვითიზოლაცია არსებულ რეალობაში კორონავირუსის გავრცელების თავიდან ასარიდებლად შეუძლებელია.

გაეროს უმაღლესი კომისრის, მიშელ ბაშლეს თქმით, მთავრობებმა უნდა მოძებნონ გზები, რათა გამოუშვან ისეთი ხალხი ციხიდან, რომლებიც დაავადების მიმართ განსაკუთრებით დაუცველნი არიან- ეს ეხება ხანში შესულ და დასნეულებულ პატიმრებს, რომელთაც ქრონიკული დაავადებები აღენიშნებათ. გაერთიანებული ერების ორგანიზაცია მოუწოდებს აგრეთვე სახელმწიფოების ხელმძღვანელ უწყებებს, გაათავისუფლონ ის პირებიც, რომლებიც მსუბუქი დანაშაულებისთვის იხდიან სასჯელს საპატიმროებში.

„კოვიდ 19-მა ციხეებსა და საემიგრაციო დაპატიმრების ცენტრებში დაიწყო გავრცელება. იგი აქტიურად ვრცელდება აგრეთვე თავშესაფრებსა და ფსიქიატრიულ საავადმყოფოებშიც, რაც ჯანმრთელობის მდგომარეობის მხრივ ისედაც მძიმე მდგომარეობაში მყოფ ადმიანებს სიცოცხლის უდიდესი საფრთხის ქვეშ აყენებს.“- განაცხადა გაეროს უმაღლესმა კომისარმა.

მისი თქმით, მთავრობამ განსაკუთრებით უნდა იზრუნოს იმ ადამიანთა გათავისუფლებაზე, რომლებიც დაპატიმრებულნი არიან საკმარისი ხელჩასაჭიდი საფუძვლის გარეშე- საქმე ეხება პოლიტიკურ პატიმრებს და მათ ვინ უბრალოდ ხელისუფლების კრიტიკისა და არასასურველი შეხედულებების გამოვლენის გამო დააპატიმრეს.

news
ავტ.: news მარტი 26, 2020 12:06

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


37,521
ვიზიტორი
დღეში
Powered By Google Analytics