გაერო-ს ინფორმაციით, უკრაინის შიგნით 8 მილიონზე მეტი მშვიდობიანი მოქალაქე იძულებით გადაადგილებულია

გაერო-ს ინფორმაციით, უკრაინის შიგნით 8 მილიონზე მეტი მშვიდობიანი მოქალაქე იძულებით გადაადგილებულია მას შემდეგ, რაც რუსეთმა 24 თებერვალს უკრაინაში შეჭრა დაიწყო. ამის შესახებ ინფორმაციას BBC-ი ავრცელებს.

აღნიშნული მონაცემები მიგრაციის საერთაშორისო ორგანიზაციის (IOM) მიერ, 17 აპრილიდან 3 მაისამდე კვლევას ეფუძნება.

მათივე ინფორმაციით, მიგრაციის საერთაშორისო ორგანიზაციის კვლევა ხაზს უსვამს ფინანსურ მხარდაჭერას და ასევე თავშესაფრის საჭიროებას, როგორც იძულებით გადაადგილებულ პირთა უდიდეს საჭიროებას.

„იძულებით გადაადგილებულთა და ომის შედეგად დაზარალებულთა საჭიროებები საათობრივად იზრდება”, – განაცხადა მიგრაციის საერთაშორისო ორგანიზაციის გენერალურმა დირექტორმა ანტონიო ვიტორინომ.

წინა სტატიაშიგიორგი ხოჯევანიშვილი – შემდეგ კვირაში მივემგზავრებით ბრიუსელში ევროკავშირში გადაწყვეტილების მიმღებ პოლიტიკოსებთან შესახვედრად, იმისთვის, რომ იყოს მხარდაჭერა განაცხადის და წევრობის კანდიდატის სტატუსის მინიჭებაზე და შემდგომში კი სრულ ინტეგრაციაზე
შემდეგი სტატიაგიორგი ბოტკოველი: „ქართული ოცნების“ ხელისუფლება, მოსვლის დღიდან ბერკეტებს მხოლოდ ჩვენი ქვეყნის ინტერესების საწინააღმდეგოდ იყენებს