საკრებულოს უმრავლესობის დეპუტატი რიმა ბერიძე 1,18 ლარიან მენიუს ასაჯაროებს და საკუთარ განცხადებასთან დაკავშირებით განმარტებას აკეთებს.
„რუსთავი 2-ზე გასულმა გუშინდელმა სიუჟეტმა, რომელიც ეხებოდა სოციალურად დაუცველთა ერთჯერადად კვებას ცხელი სადილით,სადაც ტენდერის პირობებით გათვალისწინებულია 1. 18 თეთრი, გამოიწვია აზრთა სხვადასხვაობა. ამასთან დაკავშირებით, თქვენ გეძლევათ საშუალება გაეცნოთ მენიუს, რომელშიც სრულად არის მოცემული სპეციალისტების მიერ შემუშავებული სადილის ერთჯერადი ნორმა. ვცდილობთ ყველაფერი გაკეთდეს იმისათვის, რომ გაუმჯობესდეს არსებული მდგომარეობა“, – წერს რიმა ბერიძე სოციალურ ქსელში.