“გადავიაროთ ერთი ახალი წელი შედარებით მოკრძალებით, ვირუსის გავრცელების ჯაჭვი უნდა გავწყვიტოთ”

region
ავტ.: region ნოემბერი 29, 2020 15:08

“გადავიაროთ ერთი ახალი წელი შედარებით მოკრძალებით, ვირუსის გავრცელების ჯაჭვი უნდა გავწყვიტოთ”

ბოჭორიშვილის სახელობის კლინიკის ხელმძღვანელი დავით გადელია სოციალურ ქსელში არსებულ ეპიდემიოლოგიური მდგომარეობასთან დაკავშირებით პოსტს აქვეყნებს.

დავით გედელიას თქმით, იმისთვის, რომ ქვეყანა შექმნილი ვითარებიდან ნაკლები დანაკარგებით გამოვიდეს, აუცილებელია გარკვეულ წეს-ჩვეულებებზე დროებით უარის თქმა და შეზღუდვები.

მისი განცხადებით, პანდემიის სახით გლობალური ომი მიმდინარეობს, რომელშიც საქართველო „თავით-ფეხებამდეა ჩართული“.

„მიდის გლობალური ომი და ჩვენი ქვეყანა, სამწუხაროდ, თავით-ფეხებამდე ჩართულია ამ ომში, მიკროსამყაროსთან ომში. ომის დროს დამახასიათებელია ადამიანების (ყველა დონეზე-ქვეყნების, სოფლის, თუ უბნის) ტრადიციების, ჩვევების შეჩერება-ან, ზოგჯერ, მივიწყებაც კი! ყველა ამჩნევთ, რომ მისალმებისას უკვე არავინ არსად არ ართმევენ ხელს, არაა მისასალმებელი ხვევნა-კოცნა (ჩვენშიც გავრცელებული იყო). მათთვის, ვისაც კიდევ აქვს ეჭვები ომთან დაკავშირებით, ვეტყვი: ისეთი გააფთრებული ომია, რომ ქართველები იძულებული ვართ, ჩვენთვის ყველაზე მნიშვნელოვანი, მიცვალებულთა ამქვეყნიურად უკანასკნელი პატივგების ძალიან მყარი ტრადიციებიც კი შევაჩეროთ! თითქმის ყველა გარდაცვლილი, კოვიდით დაავადებული, იმარხება უმოკლეს დღეებში. ძალიან ხშირად – იმავე დღესაც! ისეთ ადამიანებს ვკრძალავთ ყოველგვარი პანაშვიდების, ქელეხების და სათანადო დატირების გარეშე, რომლებიც თავად იყვნენ აუარება ჩვენთაგანის მეოხი მსგავს შემთხვევებში… და ეს სრულიად გასაგებია ახლა, იმიტომ, რომ ომია!! არაა დრო ჩვეულებების..

არაა დრო ბევრი რამის.. რაც შეიძლება ნაკლები დანაკარგებით უნდა გამოვიდეთ ამ ომიდან. ჩემი აზრით, არც 24 დეკემბრიდან 3 იანვრამდე შეზღუდვების შეჩერებაა სწორი. გადავიაროთ ერთი ახალი წელი შედარებით მოკრძალებით, როგორც ომიანობას შეჰფერის. გავრცელების ჯაჭვი უნდა გავწყვიტოთ! მკურნალობაზე მნიშვნელოვანი და ეფექტური- პროფილაქტიკაა!“, – წერს დავით

region
ავტ.: region ნოემბერი 29, 2020 15:08