ამ კრიზისს ვერ გაუძლებს ჩვენი ქვეყანა და შესაბამისად, დადგება ეკონომიკური გუნდის და ბატონი კვირიკაშვილის პასუხისმგებლობის საკითხი-ამ განცხადებას “პატრიოტთა ალიანსის” ლიდერი ირმა ინაშვილი აკეთებს.
ინაშვილი ეროვნული ვალუტის გაუფასურების პროცესზე საუბრობს და ამბობს, რომ ხელისუფლების მიერ წარდგენილი ეკონომიკური გაჯანსაღების გეგმა, რეალური არ არის და ის უბრალოდ “ჰაერია”.
„ხელისუფლება და მისი ეკონომიკური გუნდი არაკომპეტენტურია მართოს და დაარეგულიროს კრიზისული ვითარება. მათ მიერ წარმოდგენილი გეგმა არის ჰაერი. ჩვენი პროგნოზია, რომ გადააჭარბებს სამ ლარს, ამ კრიზისს ვერ გაუძლებს ჩვენი ქვეყანა და შესაბამისად, დადგება ეკონომიკური გუნდის და ბატონი კვირიკაშვილის პასუხისმგებლობის საკითხი,“ – განაცხადა ირმა ინაშვილმა.
ლარის ოფიციალური კურსი დოლართან მიმართებაში დღეს 2.74, გადამცვლელ ჯიხურებში ეს მაჩვენებელი 2.80-ს აჭარბებს.
