ჩეხეთის ნაკრების 10 ნომერი პატრიკ შიკი საქართველოს ეროვნულ ნაკრებთან დაფიქსირებულ ფრეზე საუბრისას ამბობს, რომ მისი გუნდი მოგებას იმსახურებდა.
როგორც პატრიკ შიკი აღნიშნავს, მათ გამარჯვებაში ხელი ქართველთა მეკარემ, გიორგი მამარდაშვილმა შეუშალა.
„დაფიქსირებული შედეგი ჩვენთვის საკმარისი არ არის. გაცილებით უკეთესები ვიყავით, მაგრამ საქართველოს ნაკრების მეკარემ ხელი შეგვიშალა. შემდეგ, პენალტი გავუშვით და ამან ჩვენზე კარგად არ იმოქმედა. გამარჯვება გვეკუთვნოდა“, – აცხადებს პატრიკ შიკი.
