გაბუნიას განცხადებით, „ომიკრონს“ არ შეუძლია „ვაქცინას თავი წარმატებით დააღწიოს“

ჯანდაცვის მინისტრის მოადგილის თამარ გაბუნიას განცხადებით, კორონავირუსის ახალ შტამს, „ომიკრონს“, სხვა შტამებთან შედარებით, სწრაფი გავრცელება ახასიათებს, თუმცა, მას არ შეუძლია „ვაქცინას თავი წარმატებით დააღწიოს“.

ამის შესახებ მან ჟურნალისტებს განუცხადა.

„ეპიდემიოლოგიური სიტუაცია ისევ საყურადღებო რჩება. შემთხვევების მცირედი კლება აღნიშინება. ყურადღების ცენტრში კვლავ რჩება ახალი შტამი „ომიკრონი“, რომელიც თითქმის 57 ქვეყანაში არის დაფიქსირებული. ჯერჯერობით, რაც ცნობილია არის ის, რომ სწრაფი გავრცელება ამ შტამს სხვა შტამებთან შედარებით ახასიათებს, თუმცა ამ შტამს სხვა შტამებთან შედარებით უფრო მეტი წარმატებით არ შეუძლია თავი დააღწიოს ვაქცინებს. ვაქცინის ეფექტურობა კვლავაც არის მნიშვნელოვანი ფაქტორი და გამოვიყენოთ „ომიკრონის“ წინააღმდეგ საბრძოლველად“, – განაცხადა გაბუნიამ.

წინა სტატიაშიზუგდიდში, წალენჯიხაში, ჩხოროწყუსა და სენაკში საკრებულოს სხდომა ერთი კვირით გადაიდო
შემდეგი სტატიახელოვნების საერთაშორისო ფესტივალი „თბილისი-რიტმი“ ხვალ გაიმართება