გაბრიელ სალოსის ქუჩაზე, იქ სადაც სპეცოპერაცია თითქმის 22 საათის განმავლობაში მიმდინარეობდა, ტერიტორია კვლავ ბლოკირებულია.
ადგილზე მობილიზებულია სპეცრაზმი, კრიმინალური პოლიცია და საპატრულო პოლიციის ეკიპაჟები. ადგილობრივი მოსახლეობა დღეს დილიდან ცდილობს საკუთარ სახლებში შესვლას, თუმცა მათ ამის საშუალებას სამართალდამცველები არ აძლევენ. მიზეზი მოსახლეობის უსაფრთხოებაა.
სამართალდამცველები ადგილზე მისულ მოქალაქეებს ამოწმებენ. მოქალაქეების შემოსაზღვრული ტერიტორიიდან კუთვნილი ავტომობილების გაყვანასაც ვერ ახერხებენ.
ადგილზე იმყოფებიან თბილსერვისის წარმომადგენლები, რომლებიც ტერიტორიის დასუფთავებას ახდენენ.
