დიდი შვიდეულის ქვეყნები უკრაინისთვის 30 მილიარდამდე ევროს გამოყოფას გეგმავენ. ამის შესახებ უკრაინული მედია Spiegel-ზე დაყრდნობით წერს.
გამოცემა წერს, რომ ფინანსური მხარდაჭერის საკითხზე მოლაპარაკებებს დიდი შვიდეულის ფინანსთა მინისტრები გამართავენ.
მოლაპარაკების მონაწილეების თქმით, ფინანსური საჭიროების საკითხი თავად უკრაინამ დააყენა.
დახმარება გაცემული იქნება სესხებისა და გრანტების სახით. შესაბამისად, კიევს არ მოუწევს მთლიანი თანხის დაბრუნება. 30 მილიარდის მიწოდება ეტაპობრივად მოხდება.
შეხვედრას გერმანიის ფინანსთა მინისტრი კრისტიან ლინდნერი მასპინძლობს, რადგან გერმანია წელს G7-ს თავმჯდომარეობს.
როგორც ცნობილია, უკრაინის საგარეო საქმეთა მინისტრმა დიმიტრი კულებამ მოუწოდა დიდი შვიდეულის ქვეყნებს გაყინონ რუსული აქტივები და ისინი უკრაინას რეკონსტრუქციისთვის გადასცეს.
