ერთიანობის მარშის დასრულების შემდეგ ფრანსუა ოლანდი პარიზის მთავარ სინაგოგაში მივა.
საფრანგეთის პრეზიდენტი ბენიამინ ნეთანიაჰუსთან ერთად პატივს მიაგებს იმ ადამიანების ხსოვნას, რომლებიც ტერორისტმა ამედი კულიბალიმ სუპერმარკეტში მოკლა.
ამ ფონზე ფრანსუა ოლანდი ებრაელებს გაძლიერებულ დაცვას დაჰპირდა. მან ელისეს სასახლეში ებრაული სათვისტომოს ლიდერები მიიღო და განაცხადა, რომ საჭიროების შემთხვევაში ებრაულ სალოცავებს, რელიგიურ და საზოგადოებრივ ობიექტებს საფრანგეთის ჯარი დაიცავს.
