ამერიკული ავტოკონცერნი Ford -ი გერმანიაში 5 ათასი სამუშაო ადგილის შეამცირებას გეგმავს. ეს ნაბიჯი იანვარში გამოცხადებული კონცერნის რესტრუქტურიზაციის ნაწილია – განაცხადეს “ფორდის” ადმინისტრაციაში. ხელმძღვანელების მიერ თანამშრომლებისადმი მიწერილ წერილში ნათქვამია, რომ ეს ზომა მინიმუმ 500 მილიონი დოლარის დაზოგვას შეუწყობს ხელს.
გერმანიაში, ავტოკონცერნის ქარხნებში 24 ათასი ადამიანი მუშაობს, მათგან უმეტესობა კიოლნშია. ავტოკონცერნი 49 წლამდე თანამშრომლებს კომპენსაციას გაუზრდის, 50 წლის ასაკის პირებს კი პენსიაზე ადრე გასვლას შესთავაზებს – “დოიჩე ველე” წერს.
