გამოძიების ფედერალური ბიურო ჰილარი კლინტონის იმეილების საქმესთან დაკავშირებით გამოძიებას არ განაახლებს.
უწყების დირექტორის, ჯეიმს კომის, მიერ შეერთებული შტატების კონგრესის სახელზე გაგზავნილი წერილის მიხედვით, ახალი მტკიცებულებების შესწავლის შემდეგ, დემოკრატიული პარტიის პრეზიდენტობის კანდიდატს, ბიურო ბრალს არც ამჯერად წაუყენებს.
მომხდარს უკვე გამოეხმაურა პრეზიდენტობის რესპუბლიკელი კანდიდატი. დონალდ ტრამპმა მინესოტაში გამართულ ამომრჩევლებთან შეხვედრაზე გამოძიების გაგრძელების და კლინტონის პასუხისგებაში მიცემის პირობა დადო.
