ევროპის საბჭოს მინისტრთა კომიტეტმა გამოაქვეყნა გადაწყვეტილებები “მერაბიშვილი საქართველოს წინააღმდეგ” საქმეზე ადამიანის უფლებათა ევროპული სასამართლოს განაჩენების აღსრულების შესახებ.
დოკუმენტში ნათქვამია, რომ ვანო მერაბიშვილის საქმეში ადამიანის უფლებათა ევროპული კონვენციის რამდენიმე მუხლის დარღვევა იკვეთება, მათ შორის მე-5 მუხლის მე-3 პუნქტის, წინასწარი პატიმრობის გაგრძელებისთვის საკმარისად დასაბუთებული სასამართლო გადაწყვეტილებების არარსებობის გამო.
მინისტრის მოადგილეებმა მტკიცედ მოუწოდეს ხელისუფლებას, უზრუნველყოს ყველა საჭირო ზომის დროული და ეფექტური განხორციელება სასამართლოს მიერ გამოვლენილი ხარვეზების სრულად აღმოსაფხვრელად და გამოძიების სწრაფად დასასრულებლად.
