ევროპის 10 ქვეყნის საგარეო საქმეთა მინისტრებმა ერთობლივი განცხადება გაავრცელეს, რომელშიც ისრაელს მოუწოდებენ, თავი შეიკავოს ლიბანში კონფლიქტის „შემდგომი გაფართოებისგან“ და პატივი სცეს ქვეყნის „ტერიტორიულ მთლიანობას“.
ამასთან, განცხადებაში დაგმობილია „ჰეზბოლას“ მიერ ისრაელზე განხორციელებული თავდასხმები, რომლებიც ირანის მხარდაჭერით ხორციელდება.
დოკუმენტში ლიდერები მოუწოდებენ ლიბანსა და ისრაელს „პირდაპირი პოლიტიკური მოლაპარაკებების“ გამართვისკენ და აღნიშნავენ, რომ ყველა მხარემ დაუყოვნებლივ უნდა შეამციროს დაძაბულობა.
განცხადების ხელმომწერებს შორის არის ბელგია, ხორვატია, კვიპროსი, საფრანგეთი, საბერძნეთი, იტალია, მალტა, ნიდერლანდები, პორტუგალია და გაერთიანებული სამეფო, ასევე ევროკავშირის უმაღლესი წარმომადგენელი კაია კალასი.
