ევროპული მედიით გავრცელებული ინფორმაციით, კონტინენტის ორ მოსაზღვრე ქვეყანაში, იტალიასა და საბერძნეთში, ვერტმფრენებმა კატასტროფა განიცადეს.
გავრცელებული ინფორმაციით 23 ივნისს, საბერძნეთში, ათენის დასავლეთით, კერძო კომპანიის კუთვნილი ვერტმფრენი, რომელიც ადგილობრივი ხეხილის ბაღების შხამ-ქიმიკატებით შეწამვლას ახდენდა, ჭაობიან ადგილზე ჩამოვარდა.
კატასტროფის შედეგად დაიღუპა ვერტმფრენში მჯდომი 2 ადამიანი და მძიმედ დაშავდა – 1.
რაც შეეხება იტალიას, აქ ქვეყნის ჩრდილო-აღმოსავლეთით მიმდინარე სამხედრო სწავლების დროს ცეცხლი გაუჩნდა ჰაერში მყოფ პოლონეთის სამხედრო ძალების ვერტმფრენს, სადაც 5 პოლონელი და 1 ფრანგი სამხედრო მოსამსახურე იჯდა. გავრცელებული ინფორმაციით, პილოტმა ალმოდებული ვერტმფრენის დროულად დასმა მოახერხა, რის გამოც იქ მსხდომებმა უვნებლად დატოვეს ვერტმფრენი, რომელიც მთლიანად დაიწვა.
