ახალი წლის პირველ კვირას ევროპაში ანომალიური სიცივეები დაფიქსირდა. ყველაზე დაბალი ტემპერატურა ლაპლანდიის მთებში იყო, სადაც სიცივემ -42 ცელსიუსს მიაღწია, თუმცა რეკორდულ მაჩვენებელამდე -52,6 გრადუსამდე ცელსიუსით, ჯერ ბევრი უკლია. “დოიჩე ველეს” ცნობით, ყველაზე დაბალი ტემპერატურა პოლონეთშია, სადაც, უკანასკნელი ორი დღის მანძილზე ათი ადამიანი გარდაიცვალა.
გუშინ, 7 იანვარს იტალიაში სიცივეს 7 ადამიანი ემსხვერპლა. თოვლის გამო პარალიზებულია იტალიის ორი აეროპორტი.
გერმანიაში, ბავარიის მთიან რაიონებში სიცივემ -26,9 გრადუსს მიაღწია. პარალიზებულია ავტომაგისტრალები. რიგ რაიონებში მთავრობა ხალხს თხოვნით მიმართავს მანქანით არ იმოძრაონ.