ფრაქციამ “ევროპის სახალხო პარტია” ევროპარლამენტში განაცხადა, რომ ევროკავშირის ქვეყნები მზად უნდა იყვნენ რუსეთის ფედერაციას ახალი სანქციები დაუწესონ იმ შემთხვევაში, თუკი რუსეთი უკრაინის წინააღმდეგ აგრესიას მიმართავს – ამის შესახებ ინფორმაციაა ფრაქციის “ტვიტერზე” გამოქვეყნდა.
“ჩვენ უნდა ვთქვათ ეს ხმამაღლა და გარკვევით: ბატონო პუტინო, ხელები შორს უკრაინისგან. ძალის ნებისმიერ გამოყენებას შედეგები ექნება. წევრი-ქვეყნები მზად უნდა იყვნენ ახალი სანქციების გამოსაყენებლად, იმისთვის, რომ მოსკოვი შეაჩერონ” – ნათქვამია შეტყობინებაში – წერს უკრაინული მედია.
ადრე ევროკავშირის წარმომადგენელმა განაცხადა, რომ გაერთიანება მხარს უჭერს უკრაინის ნაბიჯებს, რომელიც დონბასსა და უკრაინა-რუსეთის საზღვარზე ესკალაციის ფონზეა გადადგმული და რუსეთს მოუწოდებს თავი შეიკავოს ნაბიჯებისგან, რომლებიც შემდეგ გართულებებს გამოიწვევს.
გარდა ამისა, აშშ-ს სახელმწიფო მდივანმა ენტონი ბლინკენმა განაცხადა, რომ რუსეთი შეეჩეხება “ფასს და შედეგებს” იმ შემთხვევებში, თუკი უკრაინის წინააღმდეგ აგრესიას გააძლიერებს.
