ევროპარლამენტარი – პუტინმა საკუთარი ქმედებების ფასი უნდა გაიგოს

პუტინმა საკუთარი ქმედებების ფასი უნდა გაიგოს,- ეს ევროპარლამენტში „კონსერვატიული ევროპის სახალხო პარტიის“ ფრაქციის ხელმძღვანელის, მანფრედ ვებერის განცხადებაა, რომელიც უკრაინის საზღვართან სიტუაციის გამწვავების შემთხვევაში რუსეთის წინააღმდეგ მკაცრი სანქციების დაწესების ინიციატივით გამოდის.

ვებერის თქმით, ამერიკის შეერთებულმა შტატებმა და ევროკავშირმა კრემლს უნდა დაანახოს, რომ თუ ის უკრაინის აღმოსავლეთით სიტუაციის ესკალაციას გააგრძელებს, პასუხი იქნება ცალსახა და ძლიერი.

ვებერი მიიჩნევს, რომ ანგარიშები უნდა გაეყინოთ რუს ოლიგარქებს ასევე რუსეთის ფედერაცია სვიფტის საერთაშორისო გადახდის სისტემისგან უნდა გაითიშოს.

„დოზირებული სანქციების დრო წავიდა, პუტინმა საკუთარი ქმედებების ფასი უნდა გაიგოს“, – აცხადებს ვებერი.

რეკლამის ბანერი
წინა სტატიაშიმეუფე იაკობი – მაგალითი უნდა ვიყოთ სხვებისთვის და ვაღიაროთ, ცუდი რაც ჩავიდინეთ
შემდეგი სტატიაიაგო ხვიჩია – „გირჩის“ გეგმა ხვალიდან საჯაროდ იქნება ცნობილი