ევროპარლამენტარი მიხეილ სააკაშვილისთვის ლიტვის მოქალაქეობის მინიჭების ინიციატივით გამოდის. განცხადება პიატრას აუშ ტრიავი ჩუსმა გააკეთა და აღნიშნა, რომ ამ საკითხში ლიტვის მეგობარი პოლიტიკოსისთვის დახმარების გაწევა ქვეყნის ყოფილ პრეზიდენტს, ვალდას ადამკუსს შეუძლია.
ევროდეპუტატის თქმით, მიხეილ სააკაშვილმა ლიტვაში პოლიტიკურ ანალიტიკური ცენტრს უნდა უხელმძღვანელოს და ლიტვის ინტერესები ევროპაში წარადგინოს.
სააკაშვილისთვის უკრაინის მოქალაქეობის ჩამორთმევას აპროტესტებს კარლ ბილდტი. შვედეთის ყოფილი პრემიერმინისტრი, რომელიც პეტრო პოროშენკოს მრჩეველია, Twitter-ში წერს, “პოლიტიკური მოწინააღმდეგეებისთვის მოქალაქეობის ჩამორთმევა – ეს ყველა პრინციპს ეწინააღმდეგება”.
მწვავე განცხადებით გამოეხმაურა მიხელ სააკაშვილისთვის მოქალაქეობის შეწყვეტას ნადეჟდა სავჩენკოც. რადას დეპუტატი პოროშენკოს გადაწყვეტილებას, დიქტატურისკენ გადადგმულ ნაბიჯად აფასებს და წერს, რომ პრეზიდენტის ამ ნაბიჯს სერიოზული საერთაშორისო შედეგი მოყვება, რაც უკრაინას ძვირად დაუჯდება.