ევროპარლამენტარმა ნაჩო სანჩეს ამორმა გააკრიტიკა ევროკავშირი იმის გამო, რომ EU სათანადოდ არ რეაგირებს მოქალაქეების უფლებების დარღვევაზე საქართველოში.
სანჩეს ამორმა თქვა, რომ უსარგებლოა სანქცია, რომლითაც დიპლომატიური პასპორტის მფლობელებს შეუწყდათ უვიზო მიმოსვლა ევროკავშირთან.
კომენტარი მან “პუბლიკასთან” გააკეთა.
“EU-ის ელჩი შეხვდა სამინისტროს წარმომადგენელს, რათა კრიტიკა გადაეცა. ეს სწორია, მაგრამ არიან სხვა ელჩები, რომლებიც დუმან, რომლებიც ესწრებიან შეკრებებსა და ღონისძიებებს, რაც ძალიან მაბრაზებს”.
“ვიცი, რამდენად რთულია იყო ელჩი თბილისში, თუ შენს საქმეს ჯეროვნად აკეთებ. შევნიშნე, რომ ევროკავშირის ელჩი ბოლოს და ბოლოს შეხვდა საგარეო საქმეთა სამინისტროს ერთ-ერთ წარმომადგენელს, რათა ევროკავშირის კრიტიკა გადაეცა. ეს სწორი ნაბიჯია ჩვენი ელჩის მხრიდან, მაგრამ არიან სხვა ელჩები, რომლებიც დუმან. არიან სხვა ელჩები, რომლებიც ესწრებიან შეკრებებსა და ღონისძიებებს, რაც ძალიან მაბრაზებს.
ვფიქრობ, უნდა გამოვიკვლიოთ, ზოგიერთი ელჩის ეს “მფერებლის” პოზიცია მათი დედაქალაქების ბრძანებაა თუ პირადი პოზიცია. რადგან ერთადერთი გზა, რითაც შეგვიძლია, გავზომოთ ერთგულება საქართველოში სამოქალაქო საზოგადოებისა და დემოკრატიის მიმართ, ელჩებია. არის ზოგიერთი ელჩი – არ მინდა ვინმეს დასახელება, რომლებსაც ნამდვილად უცნაური დღის წესრიგი აქვთ მაშინ, როცა ავტორიტარულ მთავრობას უყურებენ”, – განაცხადა ევროპარლამენტარმა.
