“დღეს ევროკავშირმა და უკრაინამ გაწევრიანების პროცესში კიდევ ერთი მნიშვნელოვანი ნაბიჯი გადადგეს და გახსნეს მოლაპარაკებები ე.წ. „საგარეო ურთიერთობების“ მეექვსე კლასტერზე. ეს არის ევროკავშირში გაწევრიანების მოლაპარაკებების ჩარჩოს ძირითადი თემატური ჯგუფი, რომელიც განსაზღვრავს პარამეტრებს იმისა, თუ როგორ უნდა შეუსაბამონ კანდიდატმა ქვეყნებმა თავიანთი საერთაშორისო, სავაჭრო და თავდაცვის პოლიტიკა ევროკავშირისას.
მე-6 კლასტერი „საგარეო ურთიერთობები“ ორ ცალკეულ მოლაპარაკებების თავს მოიცავს:
თავი 30 – საგარეო ურთიერთობები: ეს თავი მოიცავს ევროკავშირის ერთიან სავაჭრო პოლიტიკას, ჰუმანიტარულ დახმარებასა და განვითარების სფეროში თანამშრომლობას. იგი მოითხოვს ევროკავშირის სავაჭრო კანონმდებლობასთან, საერთაშორისო ვალდებულებებთან და მასთან დაკავშირებულ საგარეო პოლიტიკურ პოზიციებთან შესაბამისობას.
თავი 31 – საგარეო, უსაფრთხოებისა და თავდაცვის პოლიტიკა: ეს თავი მოიცავს ევროკავშირის ერთიან საგარეო, უსაფრთხოებისა და თავდაცვის პოლიტიკას, მათ შორის ევროკავშირის საგარეო პოლიტიკურ პოზიციებთან, პოლიტიკურ დეკლარაციებთან, სანქციებსა და შეზღუდვით ზომებთან შესაბამისობას”,_ ნათქვამია ევროკავშირის საბჭოს მიერ გავრცელებულ ინფორმაციაში.
