ევროკავშირის საბჭომ სირიის წინააღმდეგ სანქციები გააფართოვა და მასში 11 მსხვილი ბიზნესმენი და ხუთი კომპანია შეიყვანა. ეს მეწარმეები და ფირმები ელიტურ უძრავ ქონებას აშენებენ და სახელმწიფო პროექტებს ანხორციელებენ, ამით კი სირიის რეჟიმს უჭერენ მხარს – ევროკავშირის საბჭოს პრეს-რელიზშია ნათქვამი, რომელიც 21 იანვარს გავრცელდა – “დოიჩე ველე” წერს.
დოკუმენტში აღნიშნულია, რომ ევროკავშირს სანქციების ქვეშ სულ 270 სირიელი ბიზნესმენი და 72 იურიდიული პირი ყავს.
