ევროკავშირის საბჭოს თავმჯდომარე ქვეყნის, კვიპროსის ევროპის საკითხთა მინისტრის მოადგილე მარილენა რაუნა აცხადებს, რომ მნიშვნელოვანია, საქართველომ შეინარჩუნოს ევროპული პერსპექტივა.
ამის შესახებ მარილენა რაუნამ ევროპის ზოგად საქმეთა საბჭოს შეხვედრამდე განაცხადა.
„გაფართოება მთავარი პრიორიტეტია კვიპროსისთვის. ახლა არის მომენტი გაფართოებისთვის, რომ ევროკავშირმა თავისი მოვალეობა შეასრულოს. ევროკავშირი ასრულებს, როდესაც ჩვენი პარტნიორები ასრულებენ. კანონის უზენაესობა, დემოკრატიული სტანდარტები, ფუნდამენტური უფლებებისა და თავისუფლებების პატივისცემა არის მთავარი წინაპირობა ჩვენი პარტნიორებისთვის, რათა გაფართოების დღის წესრიგში პროგრესი ჰქონდეთ. ამას ველოდებით საქართველოსგანაც. ძალიან მნიშვნელოვანია, შეინარჩუნონ ევროპული მეზობელი ქვეყნის ევროპული პერსპექტივა“, – განაცხადა მარილენა რაუნამ.
