ევროკავშირის ქვეყნების ელჩები საგანგებო განცხადებას ავრცელებენ. ელჩები 20 ივნისს გადამეტებული ძალის შესაძლო გამოყენებასთან დაკავშირებით სწრაფ გამოძიებას ითხოვენ.
“საჭიროა გამჭვირვალე, სწრაფი, ეფექტური გამოძიების ჩატარება 20 ივნისს გადამეტებული ძალის შესაძლო გამოყენებასთან, ასევე ძალადობრივი მოქმედების წაქეზებასთან დაკავშირებით, რამაც გამოიწვია პოლიციის პასუხი. ომბუდსმენის ჩართულობა უმნიშვნელოვანესია. მოვუწოდებთ მხარეებს დიალოგისა და კომპრომისისკენ.” – აღნიშნულია განცხადებაში.