ევროკავშირის საბჭომ დაამტკიცა პროგრამა “ევროპაში უსაფრთხოებისა და თავდაცვის სფეროებში სტრუქტურიზირებული თანამშრომლობის შესახებ” (Permanent Structured cooperation, PESCO). ამის თაობაზე განაცხადა ევროპული საბჭოს პრეზიდენტმა დონალდ ტუსკმა.
ინფორმაცია განთავსებულია ევროკავშირის საბჭოს ოფიციალურ საიტზე.
“დღეს ოცნება რეალურად იქცევა. ჩვენ ვიწყებთ მუდმივ სტრუქტურიზირებულ თანამშრომლობას – ე.წ. PESCO-ს, რაც წარმოადგენს ჩვენი სურვილის პრაქტიკულ გამოხატულებას გავაძლიეროთ თავდაცვის სფერო”. – აღნიშნავს ტუსკი.
მისი თქმით, წლების მანძილზე იყო გარკვეული შიში იმისა, რომ “PESCO”-ს შექმნას შეეძლო ნატოს დასუსტება. ახლა კი ამ ახალ წამოწყებას უკვე 25 სახელმწიფო შეუერთდა.
