ევროკავშირის ელჩები ბრიუსელში, ანტირუსული სანქციების მე-11 პაკეტზე შეთანხმდნენ- ამის შესახებ ინფორმაციას შვედეთი ავრცელებს, რომელიც ბლოკს თავმჯდომარეობს.
“დღეს ევროკავშირის ელჩები შეთანხმდნენ რუსეთის წინააღმდეგ სანქციების მე-11 პაკეტზე. პაკეტი მოიცავს ზომებს, რომლებიც მიმართულია სანქციების გვერდის ავლაზე”, – ნათქვამია ევროკავშირის საბჭოს შვედეთის თავმჯდომარეობის განცხადებაში.
სანქციების მე-11 პაკეტზე ევროკავშირი ბოლო რამდენიმე თვე მუშაობდა.
ახალი პაკეტი, მიზნად ისახავს იმ ხარვეზების აღმოფხვრას, რომლებსაც აგრესორი ქვეყანა სანქციების გვერდის ასავლელად იყენებს.
