ევროკავშირი რუსებისთვის უძრავი ქონების ყიდვის აკრძალვას გეგმავს. ამის შესახებ უკრაინული მედია Bloomberg-ზე დაყრდნობით იუწყება.
ევროკომისიის წინადადებით შეჩერდება უძრავი ქონების ხელშეკრულებების დადება რუსეთის მოქალაქეებთან, რეზიდენტებთან და იურიდიულ პირებთან. სანქციები კრძალავს ევროკავშირის ტერიტორიაზე მდებარე უძრავ ქონებაზე საკუთრების ან უძრავ ქონებაზე ხელმისაწვდომობის უზრუნველყოფას და რეალიზაციას.
აკრძალვა ვრცელდება რუსებზე, რომლებიც არ არიან ევროკავშირის მოქალაქეები და არ აქვთ ბინადრობის ნებართვა ევროკავშირის წევრ ქვეყნებში. ეს არ ეხება მათ, ვისაც აქვს მოქალაქეობა ან რეზიდენტია ევროპის ეკონომიკურ ზონაში ან შვეიცარიაში“, – წერს მედიასაშუალება.
