ევროკავშირმა სანქცირებულთა სიაში რუსი მედია მენეჯერების ნაწილიც შეიყვანა. ბრიუსელის სანქციების მე-5 პაკეტში 217 ბიზნესმენი, პოლიტიკოსი და ჟურნალისტი მოხვდა.
სანქციები დაუწესდათ კრემლის მაღალჩინოსნებსა და ბიზნესმენებს, რომელთა შორის არიან მოშე კანტორი, ბორის როტენბერგი და ოლეგ დერიპასკა.
რაც შეეხება მედიის წარმომადგენლებს, სანქციები დაუწესდათ ტელეკომპანია РТР-ის, გაზეთ Московский комсомолец-ის, სააგენტო ТАСС-ის, ტელეარხ “Санкт-Петербург”-ისა და ჟურნალ Национальная оборона“-ს ხელმძღვანელებსა და მფლობელებს.