EU-მ მოლდოვასთან მოლაპარაკებების მე-6 კლასტერი გახსნა.
ცოტა ხნით ადრე ევროკავშირმა გაწევრიანებაზე მოლაპარაკებების მე-6 კლასტერი უკრაინასთანაც გახსნა:
“მე-6 კლასტერი „საგარეო ურთიერთობები“ ორ ცალკეულ მოლაპარაკებების თავს მოიცავს:
თავი 30 – საგარეო ურთიერთობები: ეს თავი მოიცავს ევროკავშირის ერთიან სავაჭრო პოლიტიკას, ჰუმანიტარულ დახმარებასა და განვითარების სფეროში თანამშრომლობას. იგი მოითხოვს ევროკავშირის სავაჭრო კანონმდებლობასთან, საერთაშორისო ვალდებულებებთან და მასთან დაკავშირებულ საგარეო პოლიტიკურ პოზიციებთან შესაბამისობას.
თავი 31 – საგარეო, უსაფრთხოებისა და თავდაცვის პოლიტიკა: ეს თავი მოიცავს ევროკავშირის ერთიან საგარეო, უსაფრთხოებისა და თავდაცვის პოლიტიკას, მათ შორის ევროკავშირის საგარეო პოლიტიკურ პოზიციებთან, პოლიტიკურ დეკლარაციებთან, სანქციებსა და შეზღუდვით ზომებთან შესაბამისობას.”,-ნათქვამია ევროკავშირის საბჭოს მიერ გავრცელებულ ინფორმაციაში.
