ესპანურმა პოლიციამ, ქართველი ატაშეების დახმარებით, დააკავა 13-კაციანი კრიმინალური ბანდა, რომელიც ესპანეთის მასშტაბით საცხოვრებელ სახლებს ძარცვავდა. გვადალახარაში მათ ჰქონდათ უსაფრთხო სახლები, საიდანაც გასაძარცვად მიდიოდნენ.
ესპანური მედიის ცნობთ, დაჯგუფება შედგებოდა ქართველი და ესპანელი დამნაშავეებისგან:
ქართველები უშუალოდ ძარცვის პროცესში იყვნენ ჩართული;
ესპანური ფრთა კი ნაძარცვ ნივთებს ვალენსიასა და მადრიდში „ლეგალური ბიზნესით“ ყიდდა.
გამოძიების ფარგლებში პოლიციამ ცხრა ადგილზე ჩაატარა ჩხრეკა: სამი მადრიდში, სამი ვალენსიაში, ორი გვადალახარაში და ერთი ალიკანტეში.
პოლიციამ ამოიღო სამი ძვირადღირებული საათი, სამი ოქროს ზოდი, 6000 ევრო ნაღდი ფული, სხვადასხვა ხელსაწყო, მათ შორის დნობის მოწყობილობა.
