ვალენსიაში, რესტორან RiFF-ში, რომელსაც მიშლენის ვარსკვლავი აქვს, 28 პირი მოიწამლა. ერთი ქალი კი გარდაიცვალა. RiFF რესტორანია, რომელიც აღწერილია, როგორც ინოვაციური სამზარეულოს მქონე. ახლა ის დაკეტილია. მისმა ხელმძღვანელობამ მოწამლულ კლიენტებს ბოდიში მოუხადა. ინსპექცია იკვლევს, თუ რა გახდა მოწამვლის მიზეზი.
46 წლის ქალი, რომლის სახელიც არ ქვეყნდება, შაბათს საკუთარ 12 წლის შვილთან ერთად რესტორანში წავიდა. ის კვირა დილით გარდაიცვალა. გარდა ამისა, 13-დან 16 თებერვლის პერიოდში რესტორანს 75 პირი ესტუმრა. ისინი იპოვეს და აღმოჩნდა, რომ მათგან 29 ცუდად გახდა.
მომხდარის ოფიციალური მიზეზი გამოძიების დასრულების შემდეგ გამოქვეყნდება – “ბიბისი” წერს.