ესპანეთის საგარეო საქმეთა მინისტრმა, ხოსე მანუელ ალბარესმა ევროკავშირის საგარეო საქმეთა მინისტერიალის დაწყებამდე განაცხადა, რომ საქართველოს უნდა დაეხმარონ, რომ განაგრძოს ევროპული ოჯახისკენ მიმავალი გზა.
როგორც ხოსე მანუელ ალბარესმა აღნიშნა, ევროკავშირის ოჯახის წევრობა საქართველოს მოსახლეობის უმრავლესობის არჩევანია.
„ჩვენ უნდა დავეხმაროთ საქართველოს, განაგრძოს გზა, რომელსაც მისი მოსახლეობის უმრავლესობა ირჩევს – ევროპული ოჯახისკენ მიმავალი გზა. რა თქმა უნდა, ჩვენ აქ ვიქნებით, რათა ქართველ ხალხს დავეხმაროთ ამ გზაზე — დემოკრატიულ, მშვიდობიან და ევროპულ გზაზე“, – განაცხადა ესპანეთის საგარეო საქმეთა მინისტრმა.
