ესპანელი სახელმწიფო მოხელე ჰოაკინ გარსია სამსახურიდან გაანთავისუფლეს და 30 ათასი დოლარით დააჯარიმეს იმის გამო, რომ უკანასკნელი 6 წლის მანძილზე ის სამსახურში არ გამოცხადებულა – ამის შესახებ “ბიბისი” წერს.
მამაკაცის სამსახურში არ ყოფნა მხოლოდ მაშინ დააფიქსირეს, როცა სამსახურმა გადაწყვიტა მისთვის მუშაობის 20 წლისთავზე საჩუქარი გაეკეთებინა.
69 წლის მამაკაცი წყალსაცავ დაწესებულებაში სუპერვაიზერად მუშაობდა.
მისი წლიური ხელფასი 37 ათასი ევრო იყო. ჯარიმის თანხაც, თითქმის მისი წლიური ჯამაგირის ექვივალენტია – ეს არის მაქსიმუმი, რომლის ჯარიმის სახით დაკისრებაც მათ შეძლეს.
გარსიას ნათესავები ამბობენ, რომ ის ყოველდღიურად დადიოდა სამსახურში, მაგრამ არა სრულ განაკვეთზე. ოფისში, მათი თქმით, გარსია ფილოსოფიას სწავლობდა.
