ძალადობის ბრალდებით დაკავებული ტაიკვანდოს სამი მწვრთნელი ამ დრომდე ფოთის პოლიციის წინასწარი დაკავების იზოლატორში რჩება. მათთვის ამ დრომდე ჯერ ბრალი ოფიციალურად არ წარუდგენიათ. პოლიციის მთავარ სამმართველოსთან სპორტსმენების მხარდამჭერები იმყოფებიან.
ისინი დაკავებულების უდანაშაულობაზე საუბრობენ და მათ დაუყოვნებლივ გათავისუფლებას ითხოვენ. ისინი ფაქტის თვითმხილველებიც არიან. მათი განცხადებით, ტაიკვანდოში საქართველოს ჩემპიონატზე დაპირისპირება, ტაიკვანდოს ფედერაციის პრეზიდენტის გარემოცვის პროვოკაციას მოჰყვა.
სიტყვიერი შეურაცხყოფა კიფიზიკურ დაპირისპირებაში გადაიზარდა, რაც სამი მწვრთნელის დაკავებით დასრულდა. დაკავებულების ახლობლები მათ დაუყოვნებლივ გათავისუფლებას მოითხოვენ, წინააღმდეგ შემთხვევაში აქციებით იმუქრებიან.
„ჩვენი მოთხოვნაა, რომ ეს უდანაშაულო ბიჭები დაუყოვნებლივ გამოუშვან. პირდაპირ ვამბობთ, რომ ამაში დამნაშავე სულხან ბაბუაძე და მისი კლანია“, – კლუბ „იმერეთის“ მწვრთნელი, რომეო გურეშიძე.
სპორტსმენები ტაეკვანდოს ეროვნული ფედერაციის პრეზიდენტის თანამდებობიდან გადადგომას ითხოვენ. მათი განცხადებით, მიუხედავად იმისა, რომ ფედერაციას დიდი დაფინანსება აქვს, სპორტის აღნიშნული სახეობა პრობლემების წინაშე დგას.
„მათი ეს დაკავება – უსამართლობაა, აუცილებლად გამოიწვევს, კუბშიავა ყველა ის პრობლემა, რაც ამ დრომდე იყო ფედერაციაში. ეს კაცი აუცილებლად წავა აქედან და მას გაჰყვებიან ის ადამიანებიც, ვინც ხელს აფარებს. ჩვენი შემართებაც გამძაფრდა და ჩვენ, რა თქმა უნდა, არ გავჩერდებით“, – აცხადებს კლუბ „დოჯოს“ მწვრთნელი, შოთა ქოჩიაშვილი.
სამართალდამცველებმა სპორტსმენები გუშინ დააკავეს. ფაქტზე გამოძიება 126-ე ძალადობის მუხლით დაიწყო.
